mánudagur, 17. febrúar 2014

Gömul föt, gamlar myndir!

Ég var að fara í gegnum fataskápinn minn enda alveg kominn tími til! Ég var t.d. búin að geyma gallapils frá því að ég var 16 ára og svaka töff útvíðar gallabuxur frá tímabilinu þar sem ég var úber töff, því miður fóru báðar þessar flíkur í gefa pokann;)
Þessi tiltekt gekk ansi hægt því ég fór að máta ýmislegt og í fyrsta sinn síðan ég byrjaði í þessari breytingu þá fattaði ég fyrir alvöru að ég er búin að fara niður um nokkrar fatastærðir. Það var stórskrítin tilfinning að ýmislegt sem var orðin ansi þröngt á mig var allt í einu frekar stórt á mér, ég komst að því að ég fór úr því að vera í L niður í S, niður frá 14 í 8-10:) 

Svo ætla ég að gera það sem hefur verið svolítið erfitt fyrir mig... Það er að henda inn gömlum myndum af mér ( var líka að taka til í tölvunni;)). Mér finnst einlæglega erfitt að setja inn myndir af mér, hvort sem það séu gamlar myndir eða nýjar myndir en þá sérstaklega líkamsmyndir. Mér finnst ég svolítið sjálfumglöð, upptekin af sjálfri mér og hef verið hrædd um að fólk hugsi þannig um mig ef ég er að birta myndir! En hins vegar hugsaði ég að þetta blogg er ætlað fyrir þetta og ef ég get veitt einhverjum öðrum innblástur með fyrir og eftir myndum ( það virkar fyrir mig ) þá er það þess virði. 
Eða basically, hætt því kjaftæði og nú fáiði overload af myndum á öllum samskiptamiðlum, vúhú!
 Vill samt taka fram að ég veit að ég er ekkert komin á endapunkt og er ekkert að þykjast vera flottust en það er gaman að sjá breytinguna:) Plús að það er talsverður munur á líðan fortíðar Amöndu og nútíma Amöndu!

Þarna var orðin frekar óþægilegt að hreyfa hendurnar upp, svo þröngur var kjóllinn. 


Vel rúmur :D
Og svo nokkrar myndir frá því í sumar...






Nýlegri myndir: 12 kíló, 50 cm og rúmlega 7% í fitu í mun á myndum. (Samt finnst mér fyrir myndirnar ekkert jafn hrikalegar og ég hélt heheh kannski er það bara ég!)
Gera sig reddý á þorrablót:)

Um jólin

Ok, nóg af myndum af mér, hætt í bili, lofa!;)

Annars er það í fréttum að ég fór á þorrablót með unnustanum um helgina og ég hef ekki skemmt mér svona vel lengi! Eitt skemmtilegasta djamm sem ég hef farið á, allir voru svo skemmtilegir og hressir og ég dansaði frá mér allt vit:d Drakk auðvitað ágætilega mikið og nú er ég að finna fyrir því, annar í þynnku, en ég sé svo ekki eftir þessu!:) En vá hvað það hefur mikil áhrif á mann að drekka svona, sunnudagurinn var bara sukk og ég get varla hugsað mér að fara í ræktina í dag, held að það myndi bara líða yfir mig. En ég byrja aftur af krafti á morgun! 

Næst hendi ég inn mínum uppáhalds nammi smoothie!





miðvikudagur, 12. febrúar 2014

Af hverju er ég að þessu?

Mig langar að koma einu á framfæri sem ég vil að sé alveg á hreinu:) Síðan ég byrjaði í þessum nýja lífstíl ( ég myndi segja átak en mér finnst það hundleiðinlegt orð) þá hefur mér stundum fundist á fólki að það sé hrætt um að ég sé að fara með þetta út í öfgar. Að ég sé t.d. að borða lítið og hreyfa mig í óhófi, eflaust er þetta bara í hausnum á mér en þrátt fyrir að það gæti verið að enginn hugsi svona þá langar mig rosalega að útskýra af hverju ég er að þessu.

Kærastinn minn bað mín um miðjan ágúst og það var fyrsta skrefið og ég játa að ég hugsaði voðalega lítið um heilsubótina þegar ég ákvað að fara sjálf af stað í að hreyfa mig í byrjun október, ég ætlaði bara að vera eins flott og ég gæti í brúðkaupskjólnum! Hins vegar kom hin hugsunin fljótlega, að ég vildi verða heilbrigð, læra að borða hollt og laga andlegu hliðina, það skipti mig miklu máli.

Ég hreyfi mig 5x í viku í sirka klukkutíma í senn sem verður að teljast eðlilegt, mælt er með að maður hreyfi sig eitthvað á hverjum degi en það geri ég nú ekki, föstudagar og sunnudagar eru letidagar á mínum bæ! Og þá meina ég vandræðalega miklir letidagar, alla vega sunnudagar, þeir eru náttfatadagar út í eitt!

Ég borða yfirleitt 6x á dag og ekki smátterí, ég passa auðvitað skammtana en ég BORÐA.


Dæmi um dag í matardagbók: Tímarnir eru viðmið en auðvitað breytilegir. 

8:00 Hafragrautur ( yfirleitt með banana og hnetusmjöri, stundum einhverju öðru blandi en ég borða vel á morgnanna)

10:00 T.d Skyr eða hrökkbrauðsneiðar með léttsmurosti og osti,  harðfisk eða annað.
 (Prótein í mjólk og t.d. banani ef ég fór í ræktina)

12:30 Lax með sætum kartöflum og grænmeti/ Kjúklingur með því sama/ Afgangur frá kvöldmat eða eitthvað annað.

15:30 Hleðsla, ávöxtur, smoothie eða eitthvað annað.

19:00 Einhver heimilismatur, lasagna, fiskibollur, pasta nefndu það. Ég leyfi mér að fá mér hvað sem ég vil í kvöldmat ( ok kannski ekki hamborgara eða pylsur) Ég sleppi samt alltaf brauði, fæ mér hollari sósur eða fæ mér lítið af sósu og sleppi rjómanum, basically geri kannski örlítið hollar version ef hægt er.
Ég skammta mér á diskinn, yfirleitt er það slatti því af rétta matnum þá geturu borðað meira. ( Kannski ekki að tala um ef ég fæ mér plokkfisk)

Kvöldnasl  Ég er algjör naslari og kemst yfirleitt ekki af án þess að fá mér neitt þangað til að ég fer að sofa þótt ég geri það stundum en ég lærði það af einkaþjálfaranum að þú borðar ef þú ert svangur um kvöldið. Hins vegar geturu valið þér góðan kost, t.d. lúku af tamarimöndlum, harðfisk og svo framvegis já eða KÓKOSKÓLUR! Alla vega segji ég ekki nei við þeim!

Þetta var nú bara smá dæmi um dag hjá mér en ég er alltaf að læra betur að vera fjölbreytileg, er að prufa nýja rétti og komast að því hvað mér finnst gott og hvað ekki. Svo þetta er alls ekki boring eins og mér fannst fyrst, kvartaði yfir því að þetta væri ömurlega einhæft og ég héldi þetta aldrei út, TUÐ TUÐ TUÐ;) 

En já, ég er semsé ekki að þessu til að verða horuð eða skinny eins og sagt er á útlensku,  er ekki að reyna að sjá rifbeinin. ég er að þessu til að verða heilbrigð, líða vel andlega og verða fit! Mig langar í vöðva, ekki í skinn og bein!
Í fyrsta skipti þá  finnst mér ég sterk, mér finnst ég geta náð markmiðum mínum og ég fer úr þægindarammanum í ræktinni í fyrsta skipti því að ég trúi að ég geti það, þetta hefur verið mesta breytingin!  Mér líður betur en áður!

Auðvitað fæ ég erfiða tíma eins og aðrir þar sem ég er nær því að gefast upp, ég vill bara sukka allan daginn (og geri það!) og er Ekki að nenna í ræktina! Ég er ennþá óviss um hvort ég sé að gera rétt og bara fyrir stuttu síðan var ég eiginlega bara búin að segja fokk jú við ræktina. En það þýðir ekki, ekki þegar maður vill ná árangri og sem betur fer er ég aftur komin í grúvið, ég er spennt fyrir þessu aftur og ég hlakka til að fara í ræktina:D


Hérna eru innblásturinn minn!






Semsé ekkert svona rugl:



Og einn svona í lokin! Ætli ég geti fengið Andrés til að fá sér svona brók, efast ekki um að það yrði kynþokkafullt. Og sólartattúið er náttúrlega þvílíkt flott, og stellingin... Æji okey þessi hefur samt flott bodý!




Og herra Pitt, hann er/var sko ekkert shabbý! En NÚ er ég hætt að horfa á karlmannslíkama á netinu, hætt segji ég! ) 

Ps. Á 4 mánaða sambandsdeit við ræktina í dag, liðin tíð þar sem hætt var eftir 2 mánuði, vúhú! 

föstudagur, 7. febrúar 2014

Súkkulaði hafragrautur með vanillupróteinsósu;)

Komin upp úr sleninu!

Þrátt fyrir að vera búin að reyna að borða hollt og þótt ég hafi mætt eitthvað í ræktina þá var það allt með hangandi haus, ég datt hálfvegis af vagninum eins og maður segir og það var erfitt að komast upp á hann aftur! Ég var næstum búin að fara í gamla gírinn þar sem ég hugsaði að ég væri búin að skemma allt og að þetta þýddi ekki, enda stend ég í stað. En sem betur fer hafði nýja hugsunin betur, sénsinn að ég ætlaði að láta þetta bakslag hafa áhrif á að ég næði markmiðum mínum, það er ekki í boði að gefast upp, það er einfaldega þannig!
Maður fær bakslög, lífið er þannig en spurningin er hvernig þú ákveður að díla við það! Ég geri mér grein fyrir því að ég mun fá bakslög en þá er bara að viðurkenna það, fyrirgefa sjálfri sér og vita að það er ekki allt fyrir bí og þú ert sigurvegari ef þú drullast bara aftur af stað!
Jæja, búin að lesa yfir sjálfri mér, besta við þetta er að ég trúi þessu og þetta þýðir að hugsunin mín er loksins búin að breytast:)

Annars ætlaði ég að henda inn einni útgáfu af morgunmat, hafragraut bara í skemmtilegri búning!
Ég bara get ekki venjulegan hafragraut með vatni ( fæ mér hann nú samt svona 1-2x í viku) svo hina dagana reyni ég að prufa eitthvað nýtt. Uppáhaldið mitt hefur verið hafragrautur með möndlumjólk, stöppuðum banana og hnetusmjöri en það er gaman að breyta til líka;)

Mér finnst eftirfarandi uppskrift mjög góð, gæti verið að það séu ekki allir sammála en þetta er nú svo einstaklingsbundið.

Súkkulaðihafragrautur með vanillupróteinssósu

Girnilegur er ég ekki en góður er ég!;)
  • 1/3 bolli hafrar
  • 1 msk kakóduft
  • 2 pakkar stevía
  • 1 bolli mjólk ( eða vatn )
Svo bara blanda próteindufti með smá mjólk og hella yfir og voila, einfalt og þægilegt, tekur nokkra mínútur!

Önnur útgáfa:

  • 1/4 bolli hafrar
  • 1 bolli mjólk
  • 1 þroskaður banani, stappaður
  • 1/2 tsk vanilludropar
  • 2 msk kakóduft
  • Örlítil klípa af salti
Þriðja útgáfan-hnetusmjörs

  • 1/2 bolli hafrar
  • 1 bolli mjólk
  • 1 þroskaður banani, stappaður
  • 1/2 tsk vanilludropar
  • 1 msk kakóduft
  • 1-2 msk hnetusmjör

Ég er mjög hrifin af þessum!

Ef þú vilt hafa þetta örlítið sætara þá bæta við pakka af stevía eða fljótandi sætuefnum ( hunangi, agave, hlynsírópi )